我家兩位小朋友一向都唔食鯇魚腩，唯獨用呢個煮法,兩個食到舔舔脷，原理跟鎮江糖醋一字骨煮法一樣。
材料: 鯇魚腩(叫魚檔代切一舊舊),
用半茶匙鹽醮一陣。
炸醬:蛋一隻發混和三湯匙生粉混合
薑三片用來煎魚用,
兩片薑和兩粒蒜頭用來爆香後煮醋用
調味料: 鎖江醋4湯匙，半片片糖, 冰糖一粒仔,
老抽一湯匙，生抽半湯匙，
水足夠蓋過魚。
做法: 魚腩沾上炸醬,煎香兩面備用,
爆香薑和蒜後加所有調味料煲滾,
然後落魚腩,細火煲十五分鐘後試味,
收汁其間請小心反魚腩一次。